আন্তৰাষ্ট্ৰীয় মাতৃ দিৱস

 আন্তৰাষ্ট্ৰীয় মাতৃ দিৱস :

মাতৃ দিৱস হৈছে মাতৃৰ প্ৰতি সন্মান প্ৰদৰ্শন কৰি উদযাপন কৰা

এক দিৱস । ইয়াৰ দ্বাৰা মাতৃ , মাতৃত্ব, সমাজলৈ মাতৃৰ প্ৰতি 

ভূমিকা আৰু শিশু তথা মাতৃৰ সম্পৰ্কক সোঁৱৰা হয় । পৃথিৱীৰ

বিভিন্ন দেশ সমূহে বিভিন্ন সময়ত এই দিৱস উদযাপন কৰা দেখা

যায় । 

     আধুনিক মাতৃ দিৱসৰ ছুটী গ্ৰাফটন ৱেষ্ট বৰ্জিনিয়াত এনা 

জাৰ্বিচৰ জৰিয়তে সকলো মাতৃৰ তথা মাতৃত্বৰ কাৰণে প্ৰায়ে 

পাৰিবাৰিক আৰু আপোনজনৰ প্ৰতি সন্মান দিবৰ বাবে আৰম্ভ 

কৰা হৈছিল । তেওঁক মাতৃ দিৱসৰ প্ৰতিষ্ঠাপক বুলি কোৱা হয় ।

তাৰ পৰৱৰ্তী সময়ৰ পৰা এই দিৱস প্ৰতি বছৰে মে' মাহৰ দ্বিতীয় 

দেওবাৰ দিনা পালন কৰা হয় ।

     মাতৃ দিৱস মাকক সন্মান দিবৰ বাবে পালন কৰা হয় ।

এগৰাকী মাকৰ আঁচল নিজৰ সন্তানৰ বাবে কেতিয়াও সৰু নহয়।

মাৰ মৰম-স্নেহ নিজৰ সন্তানৰ বাবে ইমান গভীৰ যে মাতৃ নিজৰ 

সন্তানৰ আনন্দৰ বাবে সম্পূৰ্ণ পৃথিৱীৰ আন মানুহৰ লগত 

যুঁজদিবলৈ সাজু হৈ যায় । এগৰাকী মাতৃৰ আমাৰ জীৱনত  বহুত

ডাঙৰ মহত্ব আছে , এগৰাকী মাতৃৰ অবিহনে এই পৃথিৱীখন

অসম্পূৰ্ণ ।

এগৰাকী আদৰ্শ মাতৃৰ প্ৰতি আমাৰ কৰণীয় :

(ক) এই ধুনীয়া পৃথিৱীখন পৰিচয় কৰাই দিয়া জনেই হৈছে

জন্মদাত্ৰী মাতৃ । তেখেতক আমি কেতিয়াও দুখ দিব নালাগে ।

(খ) মাকৰ কোলাৰ পৰা যৌৱন প্ৰাপ্ত হোৱালৈকে এজন সন্তানক

দুখ-কষ্টেৰে ডাঙৰ-দীঘল কৰা মাতৃ গৰাকীক আমি কেতিয়াও

দুখ-যান্ত্ৰণা দিব নালাগে ।

(গ) শাস্ত্ৰত কোৱা হৈছে যে সন্তান নিজে স্বয়ং সুমাৰ্গত আগবাঢ়ি

নিজৰ মাতৃ-পিতৃকো এই দিশত , ধৰ্মৰ দিশত আগবঢ়াই নিব

পাৰিলেহে এওঁলোকৰ প্ৰতি উপকাৰৰ মূল্য ঘূৰাব পাৰি ।

(ঘ) নিজে লঘোণে থাকি সন্তানক কেতিয়াও ভোকৰ অনুভৱ হ'ব

নিদিয়া মাকৰ বাহিৰে অন্য কোনো হ'বই নোৱাৰে । সেয়ে সেই

জনা মাতৃক কেতিয়াও অৱহেলা কৰিব নালাগে ।

(ঙ) সন্তানৰ বেমাৰ-আজাৰত মাকে ৰাতি-দিন এক কৰি আমাৰ

স্বাস্থ্যৰ প্ৰতি যত্ন লৈছিল । গতিকে বৃদ্ধ বয়সত তেখেতৰ প্ৰতি

আমি সকলোৱে যত্নপৰ হোৱা উচিত ।

(চ) সন্তানে যদি কোনো এটা দিশত নিৰাশাজনক ফলাফল

অৰ্জন কৰে তেন্তে সেয়ে সময়ত প্ৰেৰণা যোগোৱা প্ৰথমজন

প্ৰেৰণাদায়ক হৈছে মাতৃ । আমিও তেখেতৰ প্ৰতি যেতিয়া এনে

পৰিস্থিতিৰ অনুভৱ কৰো, আগবাঢ়ি আহি সহায়ৰ হাত আগবঢ়াব

লাগে ।

     আজিৰ এই পবিত্ৰ দিনটোত আমি সকলোৱে এটা প্ৰতিশ্ৰুতি

লোৱা উচিত যে এই পৃথিৱীখন চিনাকি কৰাই দিয়া মাতৃৰ প্ৰতি

আমি কেতিয়াও দুখ-যন্ত্ৰণা, অশান্তিমূলক পৰিৱেশ সৃষ্টি নকৰি

তেখেতৰ দ্বাৰা দেখাই দিয়া পথত আগবাঢ়ি উন্নতিৰ দিশত গৈ

তেখেতৰ সকলো ধৰণৰ আশা-আকাংক্ষা পূৰণ কৰি মূখত হাঁহি

বিৰিঙাবৰ চেষ্টা কৰিব লাগে । প্ৰতি বছৰৰ মে' মাহৰ দ্বিতীয়

দেওবাৰত যদিও এই মাতৃ দিৱস পালন কৰা হয় তথাপিও আমি

আমাৰ মাতৃৰ প্ৰতি সদায় চিৰকৃতজ্ঞ হোৱা উচিত । আজি বিশ্বৰ

প্ৰতি গৰাকী আইক মোৰ ফালৰ পৰা গভীৰ শ্ৰদ্ধা তথা সেৱা

আগবঢ়াইছো ।

 

চিত্ৰ অংকণ : আছি তাঁতি 

চিত্ৰ অংকণ : কৰবী তাঁতি