পৃষ্ঠা নং : ২৪ - ২৫
প্ৰশ্নাৱলী :
ভাব- বিষয়ক :
(১) (ক) 'সাৰথি ' পুথিখন কাৰ ৰচনা ?
উত্তৰ : 'সাৰথি ' পুথিখন সত্যনাথ বৰাৰ ৰচনা ।
(খ ) কি নজনাৰ নিমিত্তে বহুত মানুহে জীৱনত নানাবিধ
উপদ্ৰৱ ভুগিবলৈ পায় ?
উত্তৰ : সংসাৰত সমাজ পাতি বাস কৰা মানুহে আনৰ লগত
কেনেকুৱা ব্যৱহাৰ কৰিলে বা কেনেকৈ চলিলে সুখে-সন্তোষে
কাল নিয়াব পাৰি, এই কথা নজনাৰ নিমিত্তে বহুতমানুহে জীৱনত
নানাবিধ উপদ্ৰৱ ভুগিবলৈ পায় ।
(গ ) কোনটো শ্ৰেণীৰ মানুহৰ শত্ৰু সৰহ ?
উত্তৰ : নিৰ্বোধ খিংখিঙীয়া মানুহে ভৱিষ্যত নুগুণি কেটেৰা মাৰি
মানুহৰ লগত কথা কয়। এই শ্ৰেণীৰ মানুহৰ শত্ৰু সৰহ ।
(ঘ ) সজ ব্যৱহাৰৰ অনুপান কি ?
উত্তৰ : নম্ৰতা হৈছে সজ ব্যৱহাৰৰ অনুপান ।
(ঙ ) মনত অহংকাৰ ৰাখি মুখত নম্ৰ হ'লে মানুহক কি কৰা হয় ?
উত্তৰ : মনত অহংকাৰ ৰাখি মুখত নম্ৰ হ'লে মানুহক ছল
কৰা হয় । তেনে আচৰণ ত্যাগ কৰি ব্যৱহাৰত মনে-মূখে একে
হ'বলৈ সততে চেষ্টা কৰা উচিত ।
(চ ) 'এই শ্ৰেণীৰ মানুহৰ স্বভাৱ নিচেই পাতল ।' --- ইয়াত
কোনটো শ্ৰেণীৰ মানুহৰ কথা কোৱা হৈছে ?
উত্তৰ : ইয়াত , যিবোৰ লোকে আনৰ গুপ্ত কথা লুকাই ৰাখিব
নোৱাৰি সদৰী কৰে তেনে শ্ৰেণীৰ মানুহৰ কথা কোৱা হৈছে ।
(ছ ) কাৰ লগত সম্পৰ্ক ৰাখিলে শঠতাক প্ৰশয় দিয়া হয় ?
উত্তৰ : শঠৰ লগত সম্পৰ্ক ৰাখিলে শঠতাক প্ৰশয় দিয়া হয় ।
(জ ) 'বহল ব্যাকৰণ ' পুথিখন কাৰ ৰচনা ?
উত্তৰ : 'বহল ব্যাকৰণ ' পুথিখন সত্যনাথ বৰাৰ ৰচনা ।
(২) চমুকৈ বুজাই লিখা :
(ক) ব্যৱহাৰ প্ৰণালীক সামান্য কথা বুলি কিয় উলাই কৰিব
নোৱাৰি ?
উত্তৰ: মানুহৰ ব্যক্তিত্ব গঠনত সজ চৰিত্ৰই প্ৰধান ভূমিকা পালন
কৰে । সজ ব্যৱহাৰ যদিও সজ চৰিত্ৰৰ গুণ তথাপি চৰিত্ৰ সজ
হ'লেই ব্যৱহাৰ সজ হয় বুলি ভবা উচিত নহয় । অনেক চৰিত্ৰৱন্ত
মানুহ ব্যৱহাৰৰ দোষত আনৰ হিংসা-গৰিহণাৰ ভাজন হয় ।
আকৌ অনেক কপটীয়া-ছলাহী মানুহো ব্যৱহাৰৰ গুণত
সকলোৰে মৰম পায় । সেয়ে ব্যৱহাৰ প্ৰণালীক সামান্য কথা বুলি
উলাই কৰিব নোৱাৰি ।
(খ) বিনয় ভাবত দান কৰিব লাগে বুলি জ্ঞানীসকলে কি কৈছে ?
উত্তৰ : অবাবত কেটেৰা মাত মাতি মানুহৰ মনত দুখ দিব নালাগে
। সমাজৰ কিছু নিৰ্বোধ খিংখিঙীয়া মানুহে ভৱিষ্যত নুগুণি
কেটেৰা মাৰিহে মানুহৰ লগত কথা কয়। কেৱল কঠুৱা মাতৰ
দোষতেই সকলোৰে চকুৰ কুটা যেন হৈ পৰে । সিহঁতৰ গাত লক্ষ
গুণ থাকিলেও অকল তিতা মাতেই সকলোকে ঢাকি পেলায় ।
তেনে মানুহ অৰ্বুদ দানৰ ফল একে নিমিষতে হেৰাই পেলায়।
সেয়ে বিনয় ভাবত দান কৰিব লাগে বুলি জ্ঞানীসকলে কৈছে।
(৩) তাৎপৰ্য ব্যাখ্যা কৰা :
(ক) নম্ৰতা সজ ব্যৱহাৰৰ অনুপান ।
উত্তৰ: উক্ত বাক্যটো আমাৰ পাঠ্যপুথি 'অসমীয়া সাহিত্য
চয়নিকা', অন্যৰ প্ৰতি ব্যৱহাৰ পাঠৰ পৰা তুলি দিয়া হৈছে ।
পাঠটিৰ লেখক সত্যনাথ বৰা ।
বাক্যশাৰীৰ দ্বাৰা মানুহৰ নম্ৰতা গুণৰ ওপৰত গুৰুত্ব দিয়া
হৈছে ।
যেনেদৰে উচিত অনুপানেৰে ঔষধ খালে সি বেছি গুণ দিয়ে
ঠিক সেইদৰে সজ ব্যৱহাৰত নম্ৰতা মিহলালে তাৰো উপকাৰ
সৰহ হয় । দম্ভালি কথা মানুহৰ কাণত কাঁড় ফুটা দিয়ে , সেই
দেখি আনৰ লগত আলাপ-আচৰণ কৰোঁতে দম্ভালি এৰি নম্ৰ
হোৱা উচিত । বহুতে ভাবে যে লোকৰ আগত নম্ৰ হ'লে নিজক
সৰু বা লঘু কৰা হয় । এই বিশ্বাস ভুল । নম্ৰতা ডাঙৰ আশয়ৰ
চিন; তাৰ পৰা আশয়ৰ উচ্চতাহে প্ৰকাশ পায় । নম্ৰতা এটা মনৰ
গুণ, মিঠা মাত তাৰ ফল । মনত নম্ৰতাৰ ভাব থাকিলে মুখেৰে
আপোনা-আপুনি মিঠা মাত ওলায় । সেয়ে এই গুণ আয়ত্ব কৰি
ব্যৱহাৰত মনে-মুখে একে হ'বলৈ চেষ্টা কৰা উচিত ।
(খ) সোণৰ জেউতি অমান্য কৰিলে নকমে ।
উত্তৰ: উক্ত বাক্যশাৰী আমাৰ পাঠ্যপুথি " অসমীয়া সাহিত্য
চয়নিকা " , 'অন্যৰ প্ৰতি ব্যৱহাৰ' পাঠটিৰ পৰা তুলি দিয়া হৈছে ।
পাঠটিৰ লেখক সত্যনাথ বৰা ।
বাক্যশাৰীৰ দ্বাৰা লেখকে সজ চৰিত্ৰ অধিকাৰী লোকৰ
প্ৰশংসা কৰিছে ।
গুণীৰ গুণ সকলো সময়তে সোণৰ জেউতি দৰে একে থাকে
। এই গুণে ব্যক্তিত্ব বিকাশত অৰিহণা যোগায় । কোনো কোনো
মানুহে মান্যৱন্ত লোকক অমান্য কৰিলে পুৰুষালি কৰা যেন পায়,
সেই দেখি ছল পালে অমান্য কৰিবলৈ নেৰে । কিন্তু সিহঁতে ভাবি
নাচায় যে মান্যৱন্ত লোকক অমান্য কৰি তাৰ মূল্য কমাব নোৱাৰি
। সেয়ে কোৱা হৈছে সোণৰ জেউতি অমান্য কৰিলে নকমে ।
ভাষা বিষয়ক :
(৪) বিপৰীতাৰ্থক শব্দ লিখা :
সুখ -- দুখ
সন্তোষ -- অসন্তোষ
সজ -- অসজ
চৰিত্ৰৱন্ত -- চৰিত্ৰহীন
কপটীয়া -- অকপটীয়া
মিঠা -- তিতা
বিনয় -- গৰ্ব
নম্ৰতা -- অহংকাৰ
লঘু -- গুৰু
উচ্চ -- নিম্ন
নিন্দা -- প্ৰশংসা
গুপ্ত -- মুক্ত
দোষ -- গুণ
গহীন -- চঞ্চল
আঢ্যৱন্ত -- দৰিদ্ৰ
(৫) বাক্য ৰচনা কৰা :
চকুৰ কুটা ( অতি অপ্ৰিয় লোক ) : মানুহে নিজৰ কেটেৰা মাতৰ
দোষতেই সকলোৰে চকুৰ কুটা যেন হৈ পৰে ।
পেটত কথা ৰাখ্ ( কপটীয়া ) : আমি অকথ্যৰ বাদে, পেটত কথা
ৰাখিব নালাগে ।
www.prodiptutorservices.blogspot.com
No comments:
Post a Comment
Dear reader , to know more information then comment your questions. I'm try to reply as soon as possible.